ਸ਼੍ਰੀ ਹਰ ਹਰ ਮਹਾਦੇਵ ਲੰਗਰ ਸੇਵਾ ਕਮੇਟੀ ਰੂਪਨਗਰ ਵੱਲੋਂ ਪ੍ਰਸਾਦ ਵੰਡ ਸਮਾਰੋਹ ਦਾ ਆਯੋਜਨ

ਸ਼੍ਰੀ ਹਰ ਹਰ ਮਹਾਦੇਵ ਲੰਗਰ ਸੇਵਾ ਕਮੇਟੀ ਰੂਪਨਗਰ ਵੱਲੋਂ ਇੱਕ ਪ੍ਰਸਾਦ ਵੰਡ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ। ਕਮੇਟੀ ਦੇ ਪ੍ਰਧਾਨ ਮੁਕੇਸ਼ ਗੁਪਤਾ ਨੇ ਦੱਸਿਆ ਕਿ ਸੰਸਥਾ ਵੱਲੋਂ ਸ਼੍ਰੀ ਮਣੀਮਹੇਸ਼ ਯਾਤਰਾ ਦੌਰਾਨ ਗੌਰੀਕੁੰਡ ਵਿਖੇ 20ਵੇਂ ਭੰਡਾਰੇ ਦਾ ਆਯੋਜਨ ਕੀਤਾ ਗਿਆ ਸੀ। ਇਸ ਦੌਰਾਨ ਸ਼ਿਵ ਭਗਤਾਂ ਲਈ ਗਰਮ ਪਾਣੀ, ਗਰਮ ਚਾਹ, ਸਵੇਰ ਦਾ ਨਾਸ਼ਤਾ ਅਤੇ ਦੁਪਹਿਰ ਤੇ ਸ਼ਾਮ ਦੇ ਭੋਜਨ ਦੀ ਵਿਵਸਥਾ ਲੰਗਰ ਰਾਹੀਂ ਕੀਤੀ ਗਈ। ਇਸ ਤੋਂ ਇਲਾਵਾ ਯਾਤਰੀਆਂ ਲਈ ਰਾਤ ਸਮੇਂ ਠਹਿਰਣ ਅਤੇ ਮੈਡੀਕਲ ਦੀ ਵਿਸ਼ੇਸ਼ ਸਹੂਲਤ ਵੀ ਉਪਲਬਧ ਕਰਵਾਈ ਗਈ।

ਭਗਵਾਨ ਭੋਲੇਨਾਥ ਦੀ ਕਿਰਪਾ ਨਾਲ ਲਗਭਗ 22 ਦਿਨਾਂ ਤੱਕ ਦਿਨ-ਰਾਤ ਲੰਗਰ ਦੀ ਸੇਵਾ ਨਿਰੰਤਰ ਚੱਲਦੀ ਰਹੀ। ਲੰਗਰ ਦੀ ਸੇਵਾ ਸੰਪੰਨ ਹੋਣ ਉਪਰੰਤ ਰੂਪਨਗਰ ਵਿਖੇ ਸਵਾਮੀ ਬਾਬਾ ਨਦੀ ਪਾਰ ਵਾਲਿਆਂ ਦੀ ਕੁਟੀਆ ਮੰਦਰ, ਡੀਏਵੀ ਸਕੂਲ ਦੇ ਨੇੜੇ ਪ੍ਰਸਾਦ ਵੰਡ ਸਮਾਰੋਹ ਧੂਮਧਾਮ ਨਾਲ ਕਰਵਾਇਆ ਗਿਆ।

ਸਮਾਰੋਹ ਦੀ ਸ਼ੁਰੂਆਤ ਸੇਵਾਦਾਰਾਂ ਵੱਲੋਂ ਭੋਲੇ ਬਾਬਾ ਦੇ ਕੀਰਤਨ ਨਾਲ ਕੀਤੀ ਗਈ। ਇਸ ਤੋਂ ਬਾਅਦ ਸਾਰੇ ਸੇਵਾਦਾਰਾਂ ਨੂੰ ਪ੍ਰਸਾਦ ਵੰਡਿਆ ਗਿਆ ਅਤੇ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਵਿਸ਼ੇਸ਼ ਤੌਰ ’ਤੇ ਕਿਹਾ ਗਿਆ ਕਿ ਜਿਨ੍ਹਾਂ-ਜਿਨ੍ਹਾਂ ਭਗਤਾਂ ਨੇ ਲੰਗਰ ਦੀ ਸੇਵਾ ਵਿੱਚ ਆਪਣਾ ਯੋਗਦਾਨ ਪਾਇਆ ਹੈ, ਉਨ੍ਹਾਂ ਸਾਰਿਆਂ ਤੱਕ ਪ੍ਰਸਾਦ ਜ਼ਰੂਰ ਪਹੁੰਚਾਇਆ ਜਾਵੇ। ਇਸ ਦੇ ਨਾਲ ਹੀ ਸਾਰੇ ਸੇਵਾਦਾਰਾਂ ਲਈ ਭੋਜਨ ਦਾ ਵੀ ਪ੍ਰਬੰਧ ਕੀਤਾ ਗਿਆ ਸੀ।

ਇਸ ਮੌਕੇ ਮੁਕੇਸ਼ ਗੁਪਤਾ, ਅਜੈ ਡੋਗਰਾ, ਪ੍ਰੀਤਮ ਸ਼ਰਮਾ, ਸਤੀਸ਼ ਸ਼ਰਮਾ ਬੱਬੂ, ਡਾ. ਆਸ਼ੂਤੋਸ਼, ਪ੍ਰੇਮ ਰਾਜ, ਡਾ. ਯਸ਼ਪਾਲ, ਅਨੂਪ ਗੁਪਤਾ, ਸੁਭਾਸ਼ ਸ਼ਰਮਾ, ਧਰਮਪਾਲ ਕਾਕੂ, ਬਲਦੇਵ ਰਾਜ, ਦੇਸ਼ਰਾਜ, ਕਮਲ ਵੋਹਰਾ, ਮੋਹਨਪੁਰੀ, ਹਿਮਾਂਸ਼ੂ (ਹੁਸ਼ਿਆਰਪੁਰ ਵਾਲੇ), ਮਹੇਸ਼ ਭਾਰਦਵਾਜ, ਰਾਕੇਸ਼ ਕੁਮਾਰ ਕਾਕੂ, ਯਸ਼ ਸ਼ਰਮਾ, ਰਾਹੁਲ ਸ਼ਰਮਾ, ਗੋਵਰਧਨ ਕਟਲੀ, ਦੇਵੇਂਦਰ ਕਾਲਾ, ਰੋਡਾ ਹਲਵਾਈ ਸਮੇਤ ਹੋਰ ਮੈਂਬਰ ਮੌਜੂਦ ਸਨ.