જુનાગઢ: ઈકો કાર પેસેન્જર સિસ્ટમને લઈને બસ સ્ટેન્ડ પાસે ચાર શખ્સો સામે ધમકી અને મારમારીની ફરિયાદ

જુનાગઢ શહેરમાં ઈકો કારમાં પેસેન્જર ભરવાની ચિઠ્ઠી સિસ્ટમને લઈને બસ સ્ટેન્ડ પાસે એક વિવાદ સર્જાયો હતો. આ વિવાદમાં નવા ગામના ચાર શખ્સો, સાજીદ સમા, ફારૂક સમા, એજાજ ઉર્ફે હંગો સમા અને અફઝલ સમાએ ભેગા મળીને આ સિસ્ટમ બંધ કરાવવા માટે ધમકી આપી હતી.

આરોપીઓએ ફરિયાદ કરનાર કિશનભાઈ રાવલીયા તેમજ અન્ય ઈકો કાર ચાલકોને જાહેરમાં ગાળો ભાંડી હતી અને જાતિવાચક શબ્દોનો ઉપયોગ કરી અપમાનિત કર્યા હતા. આ ઉપરાંત, આરોપી અફઝલ સમાએ છરી મારવાની અને જો તેમના ગામ પાસેથી ગાડી નીકળશે તો જાનથી મારી નાખવાની ગંભીર ધમકી પણ આપી હતી.

આ સમગ્ર ઘટના બાદ, જુનાગઢ પશ્ચિમ પોલીસ સ્ટેશનમાં ચારેય આરોપીઓ સામે ગુનો નોંધી કાયદેસરની કાર્યવાહી હાથ ધરવામાં આવી છે. પોલીસે આ મામલે વધુ તપાસ હાથ ધરી છે.