બગસરા એસ.ટી. વિભાગ દ્વારા પાંચ માસ બાદ ખોવાયેલી દસ્તાવેજ ફાઈલ માલિકને પરત સોંપાઈ

બગસરા એસ.ટી. ડેપો ખાતે માનવતાનું એક ઉત્તમ ઉદાહરણ જોવા મળ્યું હતું. અરજણસુખ ગામના રમેશભાઈ સાધુના દીકરાની મહત્વપૂર્ણ દસ્તાવેજ ફાઈલ આશરે પાંચ મહિના પહેલા ખોવાઈ ગઈ હતી.

આ ખોવાયેલી ફાઈલ મળી આવતા, એસ.ટી. ડેપોના કર્મચારી જયેશભાઈ કટકિયા અને ડેપો મેનેજર નિમિષા ગઢવી દ્વારા તેની જરૂરી ખરાઈ કરવામાં આવી હતી. ખરાઈની પ્રક્રિયા પૂર્ણ થયા બાદ, આજરોજ આ ફાઈલ તેના અસલ માલિકને પરત સોંપવામાં આવી હતી.

લાંબા સમયગાળા બાદ પોતાના મહત્વના દસ્તાવેજો પરત મળતા પરિવારજનો અત્યંત ખુશ થયા હતા અને તેમણે બગસરા એસ.ટી. સ્ટાફનો હૃદયપૂર્વક આભાર વ્યક્ત કર્યો હતો. આ ઘટનાએ કર્મચારીઓની પ્રમાણિકતા અને ફરજ પ્રત્યેની નિષ્ઠા દર્શાવી છે.