અમરેલી એસ.ટી. ડેપો: પૂછપરછ દરમિયાન વીડિયો ઉતારતા કર્મચારીનો ઉશ્કેરાટ, મુસાફરને ગાળાગાળી

અમરેલી એસ.ટી. બસ ડેપો ખાતે પૂછપરછ વિભાગમાં એક વિચિત્ર ઘટના બની હતી. પ્રાપ્ત માહિતી અનુસાર, એક મુસાફર દ્વારા પૂછપરછ દરમિયાન મોબાઈલમાં વીડિયો ઉતારવામાં આવી રહ્યો હતો.

આ બાબતને લઈને પૂછપરછ વિભાગના કર્મચારી ઉશ્કેરાઈ ગયો હતો. કર્મચારીએ વીડિયો ઉતારનાર મુસાફર સાથે ઉગ્ર બોલાચાલી કરી હતી અને તેને ગાળો ભાંડી હોવાનું જાણવા મળ્યું છે.

આ ઘટનાના કારણે ડેપો પર થોડીવાર માટે તંગદિલીનો માહોલ સર્જાયો હતો. મુસાફર દ્વારા વીડિયો ઉતારવા પાછળનો હેતુ સ્પષ્ટ થયો નથી, પરંતુ કર્મચારીની પ્રતિક્રિયા ચર્ચાનો વિષય બની છે.