குடியாத்தம் மீனூர் மலையில் கருட வாகனத்தில் வெங்கடேச பெருமாள் பக்தர்களுக்கு அருள்பாலித்தார்

வேலூர் மாவட்டம் குடியாத்தம் அருகே உள்ள மீனூர் மலையில் அமைந்துள்ள வெங்கடேச பெருமாள் கோவிலில் சிறப்பு நிகழ்வு நடைபெற்றது. இதில், மூலவரான வெங்கடேச பெருமாள், கருட வாகனத்தில் பக்தர்களுக்கு அருள்பாலிக்கும் வகையில் அலங்கரிக்கப்பட்டிருந்தார்.

மலையடிவாரத்தில் இருந்து பக்தர்கள் நீண்ட வரிசையில் காத்திருந்து, சாமி தரிசனம் செய்தனர். கருட வாகனத்தில் எழுந்தருளிய பெருமாளின் காட்சி பக்தர்களை வெகுவாக கவர்ந்தது. சிறப்பு அலங்காரத்தில் பெருமாளை தரிசித்த பக்தர்கள் பரவசமடைந்தனர்.

இந்த நிகழ்வில் சுற்றுவட்டார கிராமங்களைச் சேர்ந்த ஏராளமான பக்தர்கள் கலந்துகொண்டு வெங்கடேசபெருமாளை தரிசித்து, அருள் பெற்றனர்.