સુરત: કડોદરા-ચલથાણ ખાતે નર્મદા મિશનના સંસ્થાપક દાદા ગુરુ ભૈયાજી સરકારનું ભવ્ય સ્વાગત

સુરત જિલ્લાના કડોદરા-ચલથાણ ખાતે નર્મદા મિશનના સંસ્થાપક દાદા ગુરુ ભૈયાજી સરકારના આગમનના પાવન પ્રસંગે એક ભવ્ય શોભાયાત્રા અને સત્સંગનું આયોજન કરવામાં આવ્યું હતું. આ કાર્યક્રમમાં મોટી સંખ્યામાં ભક્તો અને અનુયાયીઓએ ભાગ લીધો હતો.

આનંદ નગરથી પ્રાથમિક શાળા સુધી નીકળેલી શોભાયાત્રા ધાર્મિક ગીતો અને જયઘોષ સાથે સંપન્ન થઈ હતી. શોભાયાત્રામાં મોટી સંખ્યામાં મહિલાઓ અને અન્ય શ્રદ્ધાળુઓએ ઉત્સાહભેર ભાગ લઈને દાદા ગુરુ ભૈયાજી સરકારનું સ્વાગત કર્યું હતું.

શોભાયાત્રા બાદ આયોજિત સત્સંગ કાર્યક્રમમાં દાદા ગુરુ ભૈયાજી સરકારે ઉપસ્થિત જનમેદનીને આશીર્વાદ પાઠવ્યા હતા અને ધર્મ તથા સેવા કાર્યોના મહત્વ પર પ્રકાશ પાડ્યો હતો. આ પ્રસંગે અનેક સામાજિક અને ધાર્મિક આગેવાનો પણ ઉપસ્થિત રહ્યા હતા.