સુરતના ઉધનામાં ઘરેણાં ચમકાવવાના બહાને છેતરપિંડી કરતા બે ગઠિયાઓને લોકોએ ઝડપી પાડ્યા

સુરતના ઉધના વિસ્તારમાં આવેલા કૈલાશ નગરમાં ચાંદીના દાગીના ચમકાવી આપવાના બહાને છેતરપિંડી કરવા આવેલા બે ગઠિયાઓને સ્થાનિક લોકોએ રંગેહાથ પકડી પાડ્યા હતા. આ ઠગો ઘરેણાંની સફાઈના નામે લોકોના ઘરેણાં પર હાથફેરો કરવાની ફિરાકમાં હતા.

જ્યારે તેમની આ કરતૂત પકડાઈ ગઈ ત્યારે આસપાસના લોકોનું મોટું ટોળું ત્યાં એકઠું થઈ ગયું હતું. લોકોએ આ બંને ઠગોને ભાગવાનો પ્રયાસ કરતા ઝડપી લીધા હતા અને રસ્તા વચ્ચે જ બેસાડી દીધા હતા. સ્થાનિક લોકોની સતર્કતાના કારણે બે ઠગોની છેતરપિંડીનો પ્રયાસ નિષ્ફળ ગયો હતો.