સુરતમાં રસ્તા પર જોખમી સ્ટંટ: શું પોલીસ કાર્યવાહી કરશે?

સુરત શહેરમાં ટ્રાફિક નિયમોના ભંગ સાથે જાહેરમાં જોખમી સ્ટંટ કરવાનો સિલસિલો યથાવત જોવા મળી રહ્યો છે. તાજેતરમાં જ એક યુવક દ્વારા જાહેરમાં રસ્તા પર બાઈક પર ખતરનાક સ્ટંટ કરતો વીડિયો સોશિયલ મીડિયા પર ખૂબ જ વાયરલ થયો છે.

આ વીડિયોમાં સ્પષ્ટપણે જોઈ શકાય છે કે એક યુવક પોતાની બાઈકને બે પૈડાં પર ચલાવી રહ્યો છે અને તેની સાથે અન્ય લોકો પણ જોવા મળી રહ્યા છે. આ પ્રકારના જોખમી સ્ટંટ માત્ર વાહન ચાલક માટે જ નહીં, પરંતુ રસ્તા પરથી પસાર થતા અન્ય રાહદારીઓ અને વાહનચાલકો માટે પણ અત્યંત જોખમી સાબિત થઈ શકે છે.

આ વીડિયો વાયરલ થયા બાદ શહેરમાં ટ્રાફિક નિયમોના પાલન અને આવા જોખમી સ્ટંટ કરનારાઓ સામે કડક કાર્યવાહી કરવાની માંગ ઉઠી રહી છે. લોકોમાં એવી પણ ચર્ચા છે કે શું સુરત પોલીસ આવા જોખમી સ્ટંટ કરનાર યુવક સામે કોઈ પગલાં ભરશે કે કેમ.