કેરળ સરકાર દ્વારા મુખ્ય ચૂંટણી કમિશનર જ્ઞાનેશ કુમારની જૂની તપાસ ફાઇલો મંગાવવામાં આવી

કેરળ રાજ્યના ગૃહ વિભાગે વર્તમાન મુખ્ય ચૂંટણી કમિશનર (CEC) જ્ઞાનેશ કુમાર સાથે જોડાયેલી વર્ષો જૂની કથિત ભ્રષ્ટાચાર તપાસની ફાઇલો તલબ કરી છે. પ્રાપ્ત વિગતો અનુસાર, વર્ષ 2006માં જ્યારે જ્ઞાનેશ કુમાર કેરળમાં જાહેર બાંધકામ વિભાગ (PWD)ના સચિવ તરીકે ફરજ બજાવી રહ્યા હતા, તે સમયગાળા દરમિયાન રાજ્યના વિજિલન્સ બ્યુરો દ્વારા હાથ ધરવામાં આવેલી પ્રારંભિક તપાસના દસ્તાવેજો ગૃહ વિભાગે ફરી મંગાવ્યા છે.

રાજ્ય સરકારનું આ પગલું એવા સમયે સામે આવ્યું છે જ્યારે મતદાર યાદીના ખાસ સઘન સુધારણા (SIR) કાર્યક્રમને લઈને 'ઇન્ડિયા' ગઠબંધન દ્વારા મુખ્ય ચૂંટણી કમિશનર સામે મોરચો માંડવામાં આવ્યો છે અને વિરોધ પ્રદર્શનો ચાલી રહ્યા છે.

રાજકીય વર્તુળોમાં આ ઘટનાક્રમને ખૂબ મહત્ત્વનો ગણવામાં આવી રહ્યો છે. લગભગ બે દાયકા જૂની ફાઇલો અચાનક ફરી બહાર મંગાવવામાં આવતાં પ્રશાસનિક તેમજ રાજકીય સ્તરે ચર્ચાઓ તેજ બની ગઈ છે.