રીબડા-શાપર રોડ પર નિર્માણાધીન કારખાનામાં ગેટ ફીટ કરતી વખતે વીજળીનો કરંટ લાગતાં બે મજૂરોના મોત

રાજકોટ નજીક રીબડા થી શાપર જતા માર્ગ પર એક નિર્માણાધીન કારખાનામાં ગંભીર દુર્ઘટના સર્જાઈ છે. પ્રાપ્ત માહિતી અનુસાર, કારખાનામાં ગેટ ફીટ કરવાની કામગીરી ચાલી રહી હતી. તે દરમિયાન વીજળીનો શોર્ટ લાગતાં બે મજૂરોના ઘટના સ્થળે જ મોત થયા હતા.

આ દુર્ઘટના બાદ તાત્કાલિક પોલીસને જાણ કરવામાં આવી હતી. પોલીસે ઘટના સ્થળે પહોંચી જરૂરી કાર્યવાહી હાથ ધરી છે. મૃતક મજૂરોના મૃતદેહને પોસ્ટમોર્ટમ માટે ખસેડવામાં આવ્યા છે. આ બનાવ અંગે વધુ તપાસ હાથ ધરવામાં આવી રહી છે.