અરવલ્લી એલસીબી પોલીસે પોશડોડા ભરેલી કાર રોકવાનો પ્રયાસ કરતા આરોપીએ કર્યું ફાયરિંગ

અરવલ્લી જિલ્લા એલસીબી પોલીસ દ્વારા એક સંયુક્ત ઓપરેશન હાથ ધરવામાં આવ્યું હતું. આ દરમિયાન, પોલીસે એક શંકાસ્પદ કારને રોકવાનો પ્રયાસ કર્યો હતો, જેમાં મોટા પ્રમાણમાં પોશડોડા ભરેલું હોવાનું પ્રાથમિક રીતે જાણવા મળ્યું છે.

પોલીસે કારને રોકવાનો ઇશારો કરતા જ, કારમાં સવાર આરોપીઓએ પોલીસ પર ફાયરિંગ કર્યું હતું. આ ઘટનાના પગલે પોલીસ અને આરોપીઓ વચ્ચે અથડામણ થઈ હતી. પોલીસે પણ જવાબી કાર્યવાહી કરી હતી.

આ ફાયરિંગની ઘટના બાદ આરોપીઓ કાર મૂકીને અંધારાનો લાભ ઉઠાવી ફરાર થવામાં સફળ રહ્યા હતા. પોલીસે ઘટનાસ્થળેથી કાર કબજે કરી લીધી છે અને તેમાં રહેલા પોશડોડાનો જથ્થો પણ જપ્ત કર્યો છે. આ મામલે વધુ તપાસ હાથ ધરવામાં આવી રહી છે.