અમદાવાદ: મકરબા બ્રિજ પરથી યુવકે લગાવી છલાંગ, ઘટનાસ્થળે મોત

અમદાવાદ શહેરમાં મકરબા બ્રિજ પરથી એક યુવકે છલાંગ લગાવી આત્મહત્યા કરી હોવાની ઘટના બની છે. પ્રાપ્ત માહિતી અનુસાર, મૃતક યુવક બપોરના સમયે પોતાની ટુ-વ્હીલર લઈને મકરબા બ્રિજ પર પહોંચ્યો હતો.

બ્રિજ પર પહોંચ્યા બાદ યુવકે પોતાનું વાહન પાર્ક કર્યું હતું અને ત્યારબાદ તેણે બ્રિજ પરથી નીચે છલાંગ લગાવી દીધી હતી. બ્રિજ પરથી નીચે પડવાના કારણે યુવકને ગંભીર ઈજાઓ થઈ હતી અને તેનું ઘટનાસ્થળે જ દુઃખદ અવસાન થયું હતું.

આ ઘટનાની જાણ થતાં સ્થાનિક પોલીસ તાત્કાલિક ઘટનાસ્થળે દોડી આવી હતી. પોલીસે મૃતદેહનો કબજો લઈ આગળની કાર્યવાહી હાથ ધરી છે અને આ મામલે વધુ તપાસ શરૂ કરવામાં આવી છે.