શાપરમાં કારખાનામાં ગેટ ફિટ કરતી વખતે હાઈટેન્શન લાઈનનો કરંટ લાગતા બે યુવકોના મોત

શાપર ઔદ્યોગિક વિસ્તારમાં આવેલ એક કારખાનામાં ગેટ ફિટિંગનું કામ ચાલી રહ્યું હતું. આ કામગીરી દરમિયાન, કારખાના પાસેની હાઈટેન્શન વીજ લાઈન સાથે કામ દરમિયાન ઉપયોગમાં લેવાતી ક્રેન અડકી ગઈ હતી. જેના કારણે વીજળીનો પ્રવાહ ક્રેન દ્વારા કામ કરી રહેલા યુવકો સુધી પહોંચ્યો હતો.

આ દુર્ઘટનામાં વીજ કરંટ લાગવાથી બે યુવકોના ઘટનાસ્થળે જ મોત નીપજ્યા હતા. જોકે, સદનસીબે ક્રેન ચાલકનો આબાદ બચાવ થયો હતો. આ બનાવને પગલે સ્થાનિક પોલીસ ઘટનાસ્થળે પહોંચી હતી અને વધુ તપાસ હાથ ધરી હતી.

પોલીસે મૃતદેહોનો કબજો લઈ પોસ્ટમોર્ટમ માટે ખસેડવાની કાર્યવાહી હાથ ધરી છે. આ દુર્ઘટનાના કારણે સમગ્ર વિસ્તારમાં શોકનો માહોલ છવાયો છે. પોલીસે આ ઘટના અંગે વધુ તપાસ શરૂ કરી છે.