દેવગઢ બારિયા તાલુકાની રૂવાબારી મુવાડા ગ્રામપંચાયતમાં ગ્રામસભા યોજાઈ

દેવગઢ બારિયા તાલુકાની રૂવાબારી મુવાડા ગ્રામપંચાયત ખાતે 2 ઓક્ટોબરના રોજ રાષ્ટ્રપિતા મહાત્મા ગાંધીની જન્મજયંતિ નિમિત્તે ગ્રામસભાનું આયોજન કરવામાં આવ્યું હતું. આ ગ્રામસભામાં ગામના વિકાસ કાર્યો અને અન્ય મહત્વપૂર્ણ મુદ્દાઓ પર ચર્ચા કરવામાં આવી હતી.

ગ્રામસભામાં ગ્રામજનોએ ગામના વિકાસ માટે પોતાના સૂચનો અને વિચારો રજૂ કર્યા હતા. પાણી, સ્વચ્છતા, આરોગ્ય અને શિક્ષણ જેવા પાયાના પ્રશ્નો પર વિશેષ ધ્યાન કેન્દ્રિત કરવામાં આવ્યું હતું.

આ પ્રસંગે તાલુકાવિકાસ અધિકારીશ્રી, તલાટીશ્રી, આરોગ્ય અધિકારીશ્રી,ગ્રામ પંચાયતના સભ્યો, સરપંચ અને સ્થાનિક આગેવાનો ઉપસ્થિત રહ્યા હતા. સૌએ મળીને ગામના સર્વાંગી વિકાસ માટે પ્રતિબદ્ધતા વ્યક્ત કરી હતી.
રિપોર્ટર. સુરેશકુમાર લબડા