સંદેશ અખબારના તંત્રી ફાલ્ગુન પટેલને મામલતદારની બદનામી બદલ જેલ અને દંડની સજા

વર્ષ 1999માં વડોદરાના એક મામલતદારની બદનામી કરવા બદલ સંદેશ અખબારના તંત્રી ફાલ્ગુન પટેલને કોર્ટ દ્વારા ગુનેગાર ઠેરવી જેલ અને દંડની સજા ફટકારવામાં આવી છે. કોર્ટના આ ચુકાદાને લઈને ભારે ચકચાર મચી જવા પામી છે. આ કેસમાં ફાલ્ગુન પટેલ સામે આરોપ હતો કે તેમણે મામલતદારના ચરિત્ર બાબતે ગંદા આક્ષેપો સાથેના સમાચાર પ્રસિદ્ધ કર્યા હતા.

પ્રાપ્ત માહિતી અનુસાર, ફાલ્ગુન પટેલે મામલતદારને ધમકી આપી હતી કે જો તેઓ કહે તેમ નહીં કરે તો તેમને વડોદરામાં મામલતદાર તરીકે રહેવા નહીં દેવાય અને વધુ ગંદા સમાચાર છાપીને બદનામ કરી દેવાશે. આ ધમકી અને બદનક્ષીભર્યા સમાચારોને કારણે મામલતદારે કાયદાકીય કાર્યવાહી હાથ ધરી હતી.

આખરે 1999ના આ કેસમાં કોર્ટ દ્વારા મહત્વપૂર્ણ ચુકાદો આપવામાં આવ્યો છે. કોર્ટે ફાલ્ગુન પટેલને મામલતદારની બદનામી કરવા બદલ દોષિત ઠેરવી સજા ફટકારી છે. આ ચુકાદાથી પત્રકારત્વ જગતમાં પણ ચર્ચાનો વિષય બન્યો છે.