ભુજ રેલવે સ્ટેશન પર હત્યાથી ખળભળાટ પરપ્રાંતિય મજૂરો વચ્ચેના ઝઘડામાં એકનું મોત

ભુજ રેલવે સ્ટેશન પર હત્યાથી ખળભળાટ પરપ્રાંતિય મજૂરો વચ્ચેના ઝઘડામાં એકનું મોત ભુજ રેલવે સ્ટેશન ખાતે હત્યાની ઘટના સામે આવતા સમગ્ર વિસ્તારમાં ચકચાર મચી ગઈ છે. મળતી માહિતી મુજબ, પરપ્રાંતિય મજૂરો વચ્ચે કોઈ બાબતે બોલાચાલી બાદ ઝઘડો ઉગ્ર બન્યો હતો. આ દરમિયાન એક વ્યકિ્તની હત્યા કરવામાં આવતા ઘટનાએ ગંભીર સ્વરૂપ ધારણ કર્યું હતું.ઘટનાની જાણ થતાં પોલીસ તાત્કાલિક સ્થળ પર પહોંચી હતી અને તપાસ હાથ ધરી હતી. પ્રાથમિક માહિતી અનુસાર, પોલીસે હત્યાના આરોપીને ઝડપી પાડ્યો હોવાનું જાણવા મળ્યું છે. હાલમાં હત્યા પાછળનું ચોક્કસ કારણ સ્પષ્ટ થયું નથી. પોલીસે સમગ્ર મામલે વધુ તપાસ હાથ ધરી છે. તપાસ પૂર્ણ થયા બાદ ઘટનાને લગતી વધુ વિગતો સામે આવી શકે છે.