ભુજ રેલવે સ્ટેશન પર પરપ્રાંતિય યુવાનની લોખંડના સળિયા મારી હત્યા

ભુજ રેલવે સ્ટેશન પર ગઈકાલે મોડી સાંજે એક અરેરાટીજનક ઘટના બની હતી. પરપ્રાંતિય યુવાન દ્વારા સુરત જતી ટ્રેન ક્યારે ઉપડશે તે અંગે પૂછપરછ કરવામાં આવી રહી હતી. આ દરમિયાન, અન્ય એક યુવક ઉશ્કેરાઈ ગયો હતો અને ઉગ્ર બોલાચાલી બાદ તેણે લોખંડના સળિયા વડે યુવાનના માથામાં ઘાતકી હુમલો કર્યો હતો.

આ હુમલામાં યુવાનને ગંભીર ઈજાઓ પહોંચતા તેનું ઘટનાસ્થળે જ મોત નીપજ્યું હતું. બનાવની જાણ થતાં જ રેલવે પોલીસ તાત્કાલિક ઘટનાસ્થળે દોડી આવી હતી. પોલીસે મૃતદેનો કબજો લઈ આગળની કાર્યવાહી હાથ ધરી છે.

પોલીસે ઘટનાસ્થળ પરથી જ આરોપી યુવકની ધરપકડ કરી લીધી છે. પ્રાથમિક પૂછપરછમાં હત્યાનું કારણ ટ્રેન વિશેની પૂછપરછ દરમિયાન થયેલી બોલાચાલી હોવાનું સામે આવ્યું છે. પોલીસે વધુ તપાસ હાથ ધરી છે.