ધારાસભ્ય કાંધલભાઈ જાડેજાએ રાતીયા ગામની મુલાકાત લઈ લોકોની સમસ્યાઓ સાંભળી

જનસેવાના ઉદ્દેશ્ય સાથે સતત કાર્યરત રહેતા ધારાસભ્યશ્રી કાંધલભાઈ જાડેજાએ તેમના વિસ્તારના પ્રવાસ કાર્યક્રમ દરમિયાન રાતીયા ગામની મુલાકાત લીધી હતી. આ મુલાકાત દરમિયાન તેમણે ગામલોકો દ્વારા રજૂ કરવામાં આવેલી વિવિધ રજૂઆતો અને પ્રશ્નોને રૂબરૂ સાંભળ્યા હતા.

આ મુલાકાતમાં ગામના સરપંચશ્રી જગુભાઈ રાતીયા, વડીલો, યુવાનો અને અન્ય આગેવાનો ઉપસ્થિત રહ્યા હતા. ગામલોકોએ પોતાની સમસ્યાઓ અને માંગણીઓ ધારાસભ્યશ્રી સમક્ષ વિસ્તૃતપણે રજૂ કરી હતી.

ધારાસભ્યશ્રી કાંધલભાઈ જાડેજાએ ગામલોકો દ્વારા રજૂ કરાયેલા પ્રશ્નોને ગંભીરતાપૂર્વક ધ્યાનમાં લીધા હતા. તેમણે તાત્કાલિક ધોરણે પ્રશ્નોના નિરાકરણ માટે સંબંધિત અધિકારીઓને સ્થળ પર જ જરૂરી સૂચનાઓ આપી હતી અને કાર્યવાહી કરવા માટે નિર્દેશ આપ્યો હતો.