વાયોર પોલીસે જુગાર રમતા ૯ શખ્સોને ઝડપી પાડ્યા, રોકડ રકમ અને સાધન સામગ્રી કબજે

વાયોર પોલીસ સ્ટેશન દ્વારા જુગારના દૂષણને ડામવા માટે હાથ ધરવામાં આવેલી કાર્યવાહીમાં એક મોટી સફળતા મળી છે. પોલીસ દ્વારા જુગાર રમતા નવ વ્યક્તિઓને ઝડપી પાડવામાં આવ્યા છે. આ કાર્યવાહી દરમિયાન, પોલીસે તેમની પાસેથી કુલ રૂ. ૧૧,૫૫૦ ની રોકડ રકમ અને જુગાર રમવા માટે વપરાતા બે પાસા કબજે કર્યા છે.

પોલીસની પ્રેસનોટ મુજબ, ઝડપાયેલા આરોપીઓમાં અજીતસિંહ પંચાણજી સોઠા, શકુર અબ્દુલ્લા ગજણ, કિશોરસિંહ સંજયસિંહ સરવૈયા, અલતાબ આમદ તુરિયા, સુરેશ રેશનજી કોલી, ભીખા ઉર્ફ રામા ફફીરા કોલી, કાસમ ઈશાક ભટ્ટીક, જીતુભા માણસંગજી રાઠોડ અને વેરુભા ગોળજી અબડાનો સમાવેશ થાય છે.

આ સમગ્ર કાર્યવાહી પોલીસ ઇન્સ્પેક્ટર એચ.આર. બારોટના સીધા માર્ગદર્શન હેઠળ કરવામાં આવી હતી. જેમાં હેડ કોન્સ્ટેબલ રવિરાજસિંહ પી. જાડેજા, ભાર્ગવભાઈ ડી. ચૌધરી, વિકમભાઈ બી. ધુમડા, આશિષકુમાર એન. દેસાઈ, કમાભાઈ એન. ચૌધરી અને પ્રકાશભાઈ આર. ચૌધરી સહિતના પોલીસ કર્મચારીઓએ સક્રિય ભૂમિકા ભજવી હતી. પોલીસે આગળની કાયદેસરની કાર્યવાહી હાથ ધરી છે.