અમદાવાદ: સાયન્સ સિટી વિસ્તારમાં ભાડાના બંગલામાંથી પિતા-પુત્ર દારૂની હેરાફેરી કરતા ઝડપાયા

અમદાવાદના સાયન્સ સિટી વિસ્તારમાં આવેલા ગુલમહોર ગ્રીનમાં ભાડાના બંગલામાંથી પ્રીમિયમ બ્રાન્ડની વિદેશી દારૂનું વેચાણ થતું હોવાની બાતમીના આધારે બોટાદ દેવ પોલીસે દરોડો પાડી પિતા-પુત્રની ધરપકડ કરી છે. આ બંને પિતા-પુત્ર દલાલીનો ધંધો કરતા હતા, પરંતુ કરોડો રૂપિયાનું દેવું થતાં તેમણે બૂટલેગરનો ધંધો શરૂ કર્યો હતો. તેઓ ભાડાના બંગલાનું માસિક ₹70 હજાર ભાડું ચૂકવતા હતા.

પોલીસે દરોડા દરમિયાન લાખોની કિંમતનો વિદેશી દારૂનો જથ્થો ઝડપી પાડ્યો છે. પ્રાથમિક તપાસમાં સામે આવ્યું છે કે, પિતા અને PDEUમાં MBAનો અભ્યાસ કરતો પુત્ર બંને મળીને ટ્રેન મારફતે દારૂ મંગાવી તેનું વેચાણ કરતા હતા. પોલીસે દારૂના જથ્થા સાથે બંનેની ધરપકડ કરી કાયદેસરની કાર્યવાહી હાથ ધરી છે.

આ ઘટનાએ સાયન્સ સિટી જેવા પોશ વિસ્તારમાં પણ બૂટલેગિંગની પ્રવૃત્તિઓ ચાલી રહી હોવાનો પર્દાફાશ કર્યો છે. પોલીસે વધુ તપાસ હાથ ધરી છે કે આ દારૂ ક્યાંથી મંગાવવામાં આવતો હતો અને કોને વેચવામાં આવતો હતો.