વડાલ ખાતે ધારાસભ્ય ભગવાનજીભાઈ કરગટીયાનું બેસ્ટ ગુજરાત ના ધારાસભ્ય ના સન્માન બદલ અભિનંદન આપવા માં આવ્યા

વડાલ ખાતે શ્રી સમસ્ત કોળી સમાજ ની વાડીમાં એક ભવ્ય સન્માન સમારોહનું આયોજન કરવામાં આવ્યું હતું. આ કાર્યક્રમમાં વડાલ કોળી સમાજના આગેવાનો અને જુનાગઢ મધુરમ-ટીંબાવાડી ગ્રુપના આગેવાનો દ્વારા માનનીય લોકલાડીલા માળિયા- માંગરોળ ધારાસભ્ય શ્રી ભગવાનજીભાઈ કરગટીયા સાહેબને "GUJARAT BEST MLA AWARD" પ્રાપ્ત કરવા બદલ તેમનું ગૌરવપૂર્ણ સન્માન કરવામાં આવ્યું.

આ પ્રસંગે સમાજના અનેક મહાનુભાવો ઉપસ્થિત રહ્યા હતા. જેમાં ખાસ કરીને જિલ્લા વિર માંધાતા ગ્રુપના પ્રમુખ રામદેવભાઈ ચુડાસમા પણ હાજર રહ્યા હતા. આ સન્માન સમારોહ ધારાસભ્ય શ્રી કરગટીયાની લોકપ્રિયતા અને સમાજ પ્રત્યેના તેમના યોગદાનને ઉજાગર કરતો હતો.

આ કાર્યક્રમમાં ઉપસ્થિત સૌએ ધારાસભ્ય શ્રી ભગવાનજીભાઈ કરગટીયાને "GUJARAT BEST MLA AWARD" બદલ અભિનંદન પાઠવ્યા હતા અને તેમના ઉજ્જવળ ભવિષ્ય માટે શુભેચ્છાઓ વ્યક્ત કરી હતી. આ સન્માન સમારોહ વડાલ કોળી સમાજની એકતા અને તેમના આગેવાનોની સક્રિયતા દર્શાવે છે.