સુરત ગ્રામ્ય પોલીસ દ્વારા ૧૩૦૦થી વધુ પોલીસકર્મીઓને હેલ્મેટનું વિતરણ

સુરત ગ્રામ્ય પોલીસ હેડક્વાર્ટર ખાતે પોલીસકર્મીઓની સુરક્ષાને ધ્યાનમાં રાખીને એક વિશેષ હેલ્મેટ વિતરણ કાર્યક્રમનું આયોજન કરવામાં આવ્યું હતું. આ કાર્યક્રમ અંતર્ગત સુરત જિલ્લાના ૧૩૦૦થી વધુ પોલીસકર્મીઓને નવા હેલ્મેટ આપવામાં આવ્યા હતા.

આ કાર્યક્રમમાં સુરત જિલ્લા પોલીસ વડા રાજેશ ગઢિયાની ઉપસ્થિતિ નોંધાઈ હતી. તેમણે પોલીસકર્મીઓને ટ્રાફિક નિયમોનું પાલન કરવા અને પોતાની સુરક્ષા માટે હેલ્મેટ પહેરવાના મહત્વ પર ભાર મૂક્યો હતો.

પોલીસ વિભાગ દ્વારા આ પહેલ પોલીસકર્મીઓની સુરક્ષા સુનિશ્ચિત કરવાના પ્રયાસરૂપે કરવામાં આવી છે. હેલ્મેટના વિતરણથી પોલીસકર્મીઓ વધુ સુરક્ષિત રીતે પોતાની ફરજ બજાવી શકશે તેવી અપેક્ષા રાખવામાં આવી રહી છે.