લીલીયા મોટા: દીકરીઓએ પિતાની અર્થીને કાંધ આપી પુત્રવત ફરજ નિભાવી

લીલીયા મોટા ખાતે એક ભાવનાત્મક અને પ્રેરણાદાયક ઘટના સામે આવી છે, જ્યાં દીકરીઓએ દીકરાથી પણ વિશેષ ફરજ નિભાવી છે. આ ઘટનાએ સમાજમાં 'દીકરી પણ દીકરાથી ઓછી નથી' તેવો સુંદર સંદેશ આપ્યો છે.

લીલીયા મોટા ખાતે રહેતા સ્વ. ધનજીભાઈ પાંચાભાઈ શેખલીયાના અવસાન બાદ પરિવારમાં શોકનો માહોલ છવાયો હતો. પરિવારમાં પુત્ર ન હોવા છતાં, તેમની દીકરીઓએ હિંમત અને કર્તવ્યભાવ દાખવીને પિતાની અર્થીને કાંધ આપી હતી.

દીકરીઓએ માત્ર અર્થીને કાંધ આપી એટલું જ નહીં, પરંતુ પિતાને અગ્નિદાહ આપી અંતિમ વિધિની સંપૂર્ણ જવાબદારી પણ સ્વીકારી હતી. શાસ્ત્રોક્ત વિધિ પ્રમાણે તમામ અંતિમ સંસ્કાર દીકરીઓ દ્વારા કરવામાં આવ્યા હતા.

દીકરીઓના આ નિર્ણય અને કર્તવ્યનિષ્ઠાને ગામ લોકોએ ખૂબ જ બિરદાવી હતી અને આ ઘટના સમાજ માટે પ્રેરણારૂપ બની રહી છે.