ବିଜୁଳି ବିଲ ସହ ଯୋଡ଼ି ହେବ ଟ୍ରାଫିକ ଇ-ଚାଲାଣ: ସୁପ୍ରିମକୋର୍ଟଙ୍କୁ ପ୍ରସ୍ତାବ

ଟ୍ରାଫିକ ନିୟମ ଉଲ୍ଲଂଘନ ପରେ କଟାଯାଉଥିବା ଇ-ଚାଲାଣର ଜରିମାନା ଆଦାୟକୁ ସୁନିଶ୍ଚିତ କରିବା ପାଇଁ ସରକାରଙ୍କୁ ଏକ ନୂଆ ପ୍ରସ୍ତାବ ଦିଆଯାଇଛି। ଏହି ପ୍ରସ୍ତାବ ଅନୁଯାୟୀ, ଲୋକମାନେ ସେମାନଙ୍କ ବିଦ୍ୟୁତ ବିଲ ସହିତ ଟ୍ରାଫିକ ଇ-ଚାଲାଣର ଜରିମାନା ମଧ୍ୟ ପୈଠ କରିପାରିବେ। ଏହାଦ୍ୱାରା ଜରିମାନା ଆଦାୟ ପ୍ରକ୍ରିୟା ଅଧିକ ସହଜ ହେବ ବୋଲି ଆଶା କରାଯାଉଛି।

ସୁପ୍ରିମକୋର୍ଟଙ୍କୁ ଦିଆଯାଇଥିବା ଏହି ପ୍ରସ୍ତାବରେ ଆହୁରି ମଧ୍ୟ କୁହାଯାଇଛି ଯେ, ଯେଉଁ ଗାଡ଼ିଗୁଡ଼ିକର ଇ-ଚାଲାଣ ବକେୟା ରହିଛି, ସେଗୁଡ଼ିକୁ କଳା ତାଲିକାଭୁକ୍ତ କରାଯିବା ଉଚିତ। କେବଳ ଇ-ଚାଲାଣ କାଟିବା ଯଥେଷ୍ଟ ନୁହେଁ, ବରଂ ଆଦାୟକୁ ମଧ୍ୟ ଗୁରୁତ୍ବ ଦେବା ଆବଶ୍ୟକ ବୋଲି କୁହାଯାଇଛି।

ଏହା ସହିତ, ଯଦି କୌଣସି ବ୍ୟକ୍ତି ବିଦ୍ୟୁତ ବିଲ ସହିତ ଟ୍ରାଫିକ ଇ-ଚାଲାଣର ଜରିମାନା ନ ଭରନ୍ତି, ତେବେ ସେମାନଙ୍କ ବିଦ୍ୟୁତ ସଂଯୋଗ କାଟି ଦେବାକୁ ମଧ୍ୟ ପରାମର୍ଶ ଦିଆଯାଇଛି। ଗତ ରିପୋର୍ଟ ଅନୁଯାୟୀ, ପ୍ରାୟ ୪୫ ହଜାର କୋଟି ଟଙ୍କାର ଇ-ଚାଲାଣ କଟାଯାଇଥିବା ବେଳେ ମାତ୍ର ୨୫ ହଜାର କୋଟି ଟଙ୍କା ଆଦାୟ ହୋଇଛି। ଏହି ବକେୟା ରାଶିକୁ ଆଦାୟ କରିବା ପାଇଁ ଏଭଳି ପଦକ୍ଷେପ ନିଆଯିବାକୁ ପ୍ରସ୍ତାବ ଦିଆଯାଇଛି।