માંડવી પોલીસે ગાંજાના ૧૨ છોડ સાથે એક ઈસમને ઝડપી પાડ્યો

માંડવી પોલીસ દ્વારા ગેરકાયદેસર માદક પદાર્થ ગાંજાના છોડ સાથે એક ઈસમને ઝડપી પાડવામાં આવ્યો છે. આ કાર્યવાહીમાં મોટા લાયજા ગામના મુસ્લિમ ફળિયામાં રહેતા અફઝલ હાસમ વર્યા (ઉં.વ.૨૮) ઝડપાયો હતો.

પોલીસની પૂછપરછ દરમિયાન આરોપી પાસેથી ગાંજાના નાના-મોટા કુલ ૧૨ છોડ મળી આવ્યા હતા, જેનું વજન ૩૬.૦૫ ગ્રામ અને કિંમત રૂ. ૩,૬૦૫ આંકવામાં આવી છે. આ ઉપરાંત, આરોપી પાસેથી વિવો કંપનીનો મોબાઇલ ફોન પણ કબજે કરાયો હતો, જેની કિંમત રૂ. ૨૦,૦૦૦ છે. આમ, પોલીસે કુલ રૂ. ૨૩,૬૦૫નો મુદ્દામાલ કબજે કર્યો છે.

સમગ્ર મામલે માંડવી પોલીસે કાયદેસરની કાર્યવાહી હાથ ધરી છે અને વધુ તપાસ હાથ ધરવામાં આવી રહી છે.