મોડાસા-માલપુર હાઇવે પર કાર ખાબકતા ચાલકનું ઘટનાસ્થળે મોત

અરવલ્લી જિલ્લાના મોડાસા-માલપુર હાઇવે પર સાકરિયા પાસે આવેલા ગોરીટીંબા નજીક એક ગમખ્વાર માર્ગ અકસ્માત સર્જાયો હતો. અકસ્માત દરમિયાન પૂરપાટ ઝડપે જઈ રહેલી એક કાર અચાનક રસ્તાની સાઈડમાં ખાબકી ગઈ હતી.

આ દુર્ઘટના એટલી ગંભીર હતી કે કારચાલકનું ઘટનાસ્થળે જ કરૂણ મોત નીપજ્યું હતું. ઘટનાની જાણ થતાં જ પોલીસ કાફલો અને ૧૦૮ એમ્બ્યુલન્સ તાત્કાલિક સ્થળ પર પહોંચી ગયા હતા.

મૃતકના મૃતદેહને પોસ્ટમોર્ટમ અર્થે હોસ્પિટલ ખસેડવામાં આવ્યો છે અને પોલીસે આ મામલે આગળની કાયદેસરની તપાસ હાથ ધરી છે.