રાજકોટ: ક્રેટા ગાડીમાંથી વિદેશી દારૂની ૧૨૦ બોટલો સાથે એક ઝડપાયો

રાજકોટ ક્રાઇમ બ્રાન્ચ દ્વારા કુવાડવા રોડ વિસ્તારમાં વાહન ચેકિંગ દરમિયાન એક મોટી કાર્યવાહી કરવામાં આવી છે. પોલીસે એક ક્રેટા ગાડીમાંથી વિદેશી દારૂની કુલ ૧૨૦ બોટલોનો જથ્થો ઝડપી પાડ્યો છે.

પોલીસની પ્રાથમિક પૂછપરછમાં સામે આવ્યું છે કે, ગાડી ચાલક હિતેશ નામના આરોપીએ પોલીસથી બચવા માટે ગાડીની સીટ નીચે એક ચોરખાનું બનાવ્યું હતું, જેમાં તેણે આ દારૂની બોટલો સંતાડી રાખી હતી. જોકે, પોલીસની સતર્કતાને કારણે તે ઝડપાઈ ગયો.

આ ઘટનામાં પોલીસે આરોપી હિતેશની ધરપકડ કરી તેની પાસેથી દારૂની બોટલો, ક્રેટા ગાડી અને અન્ય મુદ્દામાલ મળીને કુલ આશરે ૧૩.૭૦ લાખ રૂપિયાનો મુદ્દામાલ જપ્ત કર્યો છે. પોલીસે આ મામલે વધુ તપાસ હાથ ધરી છે.