ધોરાજી ડેપોના સિનિયર આગેવાન અશોકસિંહ વાઘેલા બાપુની ભવ્ય વિદાય

ધોરાજી ડેપો ખાતે મજૂર મહાન યુનિયનના સિનિયર આગેવાન અશોકસિંહ વાઘેલા બાપુના સન્માનમાં એક વિદાય સમારોહનું આયોજન કરવામાં આવ્યું હતું. તેઓ નિવૃત્ત થતાં તેમના વિદાય પ્રસંગે આ કાર્યક્રમ યોજાયો હતો, જેમાં તેમના કાર્યકાળ દરમિયાન કરેલી સેવાઓને યાદ કરવામાં આવી હતી.

આ પ્રસંગે ફેરડરશનના ગુજરાત પ્રમુખ શ્રી ઇન્દુભા જાડેજા બાપુ ખાસ ઉપસ્થિત રહ્યા હતા. તેમની હાજરીએ કાર્યક્રમની ગરિમામાં વધારો કર્યો હતો. આ ઉપરાંત, જૂનાગઢ વિભાગના તમામ ડેપોના હોદ્દેદાર આગેવાનો પણ મોટી સંખ્યામાં ઉપસ્થિત રહ્યા હતા.

આ વિદાય સમારોહમાં અશોકસિંહ વાઘેલા બાપુના યોગદાન અને મજૂર મહાન યુનિયનના વિકાસમાં તેમના ફાળાને બિરદાવવામાં આવ્યો હતો. ઉપસ્થિત આગેવાનોએ તેમના ભાવિ જીવન માટે શુભેચ્છાઓ પાઠવી હતી.