પાલેજ-નારેશ્વર માર્ગના ખાડાઓ સામે મહિલાઓનું અનોખું વિરોધ પ્રદર્શન

પાલેજ-નારેશ્વર માર્ગ પરના અતિશય ખાડાઓ અને તેને કારણે સર્જાતી અસુવિધાઓ સામે સ્થાનિક મહિલાઓએ અનોખો વિરોધ પ્રદર્શન કર્યો. "આ ખાડા નથી, ખીણ છે" તેવી બૂમ સાથે મહિલાઓએ રસ્તા પર જ બેસીને રસ્તાનું બેસણું યોજ્યું હતું. આ વિરોધ પ્રદર્શનમાં રોષે ભરાયેલા ગ્રામજનો પણ જોડાયા હતા અને તેમણે રસ્તા પર જ બેસીને ભજન મંડળ શરૂ કર્યું હતું.

પોલીસ ઘટના સ્થળે દોડી આવી હતી અને સ્થાનિકોને ત્યાંથી હટાવવાનો પ્રયાસ કર્યો હતો. જોકે, પોલીસની કાર્યવાહીથી સ્થાનિકો વધુ ઉશ્કેરાયા હતા અને તેમનો રોષ ભભૂકી ઉઠ્યો હતો. ગ્રામજનોની માંગણી છે કે તાત્કાલિક ધોરણે આ માર્ગનું સમારકામ શરૂ કરવામાં આવે.

ગ્રામજનોએ ચીમકી ઉચ્ચારી છે કે જો આગામી સાત દિવસમાં રસ્તાનું કામ શરૂ નહીં થાય, તો તેઓ ગાંધીનગર સ્થિત સચિવાલય ખાતે જઈને મુખ્યમંત્રી સામે ભજન ગાઈને પોતાનો વિરોધ વ્યક્ત કરશે. આ માર્ગ પરના ખાડાઓ વાહનચાલકો માટે અત્યંત જોખમી સાબિત થઈ રહ્યા છે અને અનેક અકસ્માતો સર્જાયા છે.