ભુજ ખાણ ખનીજ વિભાગના બે કર્મચારી રૂા. ૫૦,૦૦૦ ની લાંચ લેતા ઝડપાયા

ભુજ ખાતે ખાણ ખનીજ વિભાગમાં ફરજ બજાવતા આઇ.ટી. એક્ઝીક્યુટીવ (કરાર આધારીત) જીનીશ નિતિનભાઇ આચાર્ય અને પ્રજાજન આશિષ કાળૂભાઇ આચવડીયાને રૂા. ૫૦,૦૦૦ ની લાંચ લેતા એન્ટી કરપ્શન બ્યુરો (ACB) દ્વારા ઝડપી પાડવામાં આવ્યા છે.

પ્રાપ્ત માહિતી અનુસાર, ફરિયાદીની વર્ષ ૨૦૦૮ માં સરકારશ્રી દ્વારા મંજૂર થયેલ રેતીની લીઝનું ઓનલાઈન એકાઉન્ટ લોક થઈ ગયું હતું. આ એકાઉન્ટને અનલોક કરી આપવાના બદલામાં આરોપીઓએ ફરિયાદી પાસે લાંચની માંગણી કરી હતી.

એન્ટી કરપ્શન બ્યુરો દ્વારા કરવામાં આવેલી આ કાર્યવાહીને લોકો દ્વારા આવકારવામાં આવી રહી છે. જોકે, આ ઘટના રાજકીય ભ્રષ્ટાચાર અંગે પણ ચર્ચા જગાવી રહી છે, જેને દેશ અને રાજ્યના હિતમાં ઉજાગર કરવાની જરૂરિયાત પર ભાર મૂકવામાં આવી રહ્યો છે.