குடியாத்தம் தனியார் பள்ளியில் ரோட்டரி சங்கம் நடத்திய பல் நோய் கண்டறியும் முகாம்

குடியாத்தம் தனியார் பள்ளி ஒன்றில், ரோட்டரி சங்கம் சார்பில் இலவச பல் நோய் கண்டறியும் மருத்துவ முகாம் இன்று நடைபெற்றது. இந்த முகாமை ரோட்டரி சங்கத் தலைவர் ரவிச்சந்திரன் தொடங்கி வைத்தார்.

முகாமில், பல் மருத்துவர்கள் கலந்துகொண்டு பள்ளி மாணவர்களுக்கு பல் சம்பந்தமான நோய்களைக் கண்டறிந்து, உரிய ஆலோசனைகளை வழங்கினர். மேலும், பற்களை எவ்வாறு சுத்தமாகப் பராமரிப்பது என்பது குறித்தும் விளக்கமளிக்கப்பட்டது.

இந்த நிகழ்ச்சியில் ரோட்டரி சங்கத்தின் செயலாளர் தமிழ்செல்வன் மற்றும் சங்கத்தின் பிற உறுப்பினர்கள் பலர் கலந்துகொண்டு முகாம் சிறப்பாக நடைபெற ஒத்துழைப்பு அளித்தனர்.