લાઠી નજીક ટોડા ગામે બે મોટરસાયકલ વચ્ચે ટક્કર: એકને ખભાનું ફ્રેક્ચર, બીજાને હેમરેજ

લાઠી તાલુકાના ટોડા ગામે જરખીયા ગામ જવાની ચોકડીએ રોડ ઉપર બે મોટરસાયકલ વચ્ચે ગમખ્વાર અકસ્માત સર્જાયો હતો. આ અકસ્માતમાં એક વ્યક્તિને ગંભીર ઈજાઓ પહોંચી હતી.

પ્રાપ્ત માહિતી અનુસાર, ઈમ્તીયાઝઅલી યાકુબઅલી સૈયદ (ઉંમર ૩૫) પોતાની મોટરસાયકલ GJ-01-ML-8436 લઈને લાઠીથી અમરેલી તરફ જઈ રહ્યા હતા. તે સમયે ટોડા ગામે જરખીયા ચોકડી પાસે પહોંચતા, દુધાળા ગામ તરફથી આવતા એક અજાણ્યા મોટરસાયકલ ચાલકે તેમની મોટરસાયકલને ટક્કર મારી હતી.

આ ટક્કરના કારણે ઈમ્તીયાઝઅલી સૈયદને ડાબા ખભાના ભાગે ફ્રેક્ચર થયું હતું. તેમની મોટરસાયકલ પાછળ બેઠેલા સાહેદને માથાના ભાગે હેમરેજ થયું હતું અને શરીર પર અન્ય નાની-મોટી ઈજાઓ પણ થઈ હતી. આ અંગે ઈમ્તીયાઝઅલી સૈયદે અજાણ્યા મોટરસાયકલ ચાલક સામે પોલીસ ફરિયાદ નોંધાવી છે.