થરાદ પોલીસે વાંતડાઉ ભારતમાલા રોડ પરથી સ્વીફ્ટ કારમાંથી રૂ. ૩.૬૧ લાખના મેફેડ્રોન ડ્રગ્સ સાથે એક ઈસમને ઝડપી પાડ્યો..

બનાસકાંઠાના-:
થરાદ પોલીસ સ્ટેશન વિસ્તારમાં પોલીસે પેટ્રોલિંગ દરમિયાન એક મોટી સફળતા મેળવી છે.થરાદ પોલીસે વાંતડાઉ ભારતમાલા રોડ પરથી પસાર થઈ રહેલી એક સ્વીફ્ટ ડીઝાયર ગાડીમાંથી ગેરકાયદેસર માદક પદાર્થ મેફેડ્રોન ડ્રગ્સના જથ્થા સાથે એક ઈસમને ઝડપી પાડ્યો છે.પોલીસ તપાસ દરમિયાન સ્વીફ્ટ ડીઝાયર ગાડીમાંથી કુલ ૧૨૦.૪૯ ગ્રામ ચોખ્ખું વજન ધરાવતું મેફેડ્રોન ડ્રગ્સ મળી આવ્યું હતું.આ જપ્ત કરાયેલા નશીલા પદાર્થની બજાર કિંમત રૂ. ૩,૬૧,૪૭૦/- આંકવામાં આવી છે.

આ સફળ કામગીરી અંતર્ગત પોલીસે મેફેડ્રોન ડ્રગ્સ અને સ્વીફ્ટ ડીઝાયર ગાડી સહિત કુલ રૂ. ૫,૭૬,૪૭૦/- નો મુદ્દામાલ જપ્ત કર્યો છે. પોલીસે આ મામલે ગુનો નોંધી પકડાયેલા શખ્સ સામે કાયદેસરની કાર્યવાહી હાથ ધરી છે.