ભાદરવી પૂનમ ૨૦૨૬: અંબાજી મેળા માટે નાયબ મુખ્યમંત્રી હર્ષ સંઘવી દ્વારા એક્સ્ટ્રા બસ સેવા લોન્ચ

ભાદરવી પૂનમ ૨૦૨૬ માટે અંબાજી ખાતે યોજાનાર મહામેળા દરમિયાન, નાયબ મુખ્યમંત્રી શ્રી હર્ષ સંઘવીએ એક્સ્ટ્રા બસ સેવા શરૂ કરી અને નવીન બસોનું લોકાર્પણ કર્યું. આ કાર્યક્રમમાં વાહનવ્યવહાર રાજ્યમંત્રી શ્રી પ્રવીણ માળી અને શહેરી વિકાસ રાજ્યમંત્રી શ્રીમતી દર્શનાબહેન વાઘેલાની ઉપસ્થિતિ હતી.

GSRTC દ્વારા 1000 બસો સાથે 30,000 ટ્રિપો ચલાવવાની યોજના છે, જે 15 લાખ યાત્રાળુઓને લાભ આપશે. અંબાજીથી ગબ્બર, આબુરોડ, દાંતા, ડીસા, પાલનપુર, સિદ્ધપુર, મહેસાણા, વિસનગર, બેચરાજી, વડનગર, ખેરાલુ, હિંમતનગર, ઈડર, ખેડબ્રહ્મા, અમદાવાદ, શામળાજી અને ભિલોડા જેવા મુખ્ય રૂટો પર સતત બસ સેવા રહેશે.

મુસાફરો માટે 10 બૂથ, હંગામી શેડ, પીવાનું પાણી, જાહેર શૌચાલય, માઇક એનાઉન્સમેન્ટ, બૂથ ઇન્ચાર્જ સંપર્ક નંબર અને માર્ગદર્શન માટે હોર્ડિંગ્સ/બેનર્સ ઉપલબ્ધ છે. ક્રેન, મિકેનિક ગેંગ, એમ્બ્યુલન્સ અને ડેપો ખાતે ફાયર ફાઇટર તૈનાત છે. તમામ બસોના રીયલ-ટાઇમ GPS મોનિટરિંગ માટે સેન્ટ્રલ કંટ્રોલ રૂમ કાર્યરત છે.

ઉપસ્થિત મહાનુભાવો: નાયબ મુખ્યમંત્રી, વાહનવ્યવહાર રાજ્યમંત્રી, શહેરી વિકાસ રાજ્યમંત્રી, અગ્ર સચિવ શ્રી હારિત શુક્લા, અમદાવાદના મેયર શ્રી હિતેશ બારોટ, ધારાસભ્ય સર્વેશ્રી અમિત ઠાકર, હસમુખ પટેલ, અમૂલ ભટ્ટ, કૌશિક જૈન અને દિનેશ કુશવાહ.