કચ્છમાં રેલવે વિકાસને નવી ગતિ: શિવલખા ખાતે સોલ્ટ કન્ટેનર ટ્રેન અને કાર્ગો ટર્મિનલનું શિલાન્યાસ

આજરોજ ભચાઉ તાલુકા ના શિવલખા ખાતે સોલ્ટ કન્ટેનર ટ્રેન અને 5 ગતિ શક્તિ કાર્ગો ટર્મિનલ સહિત વિવિધ રેલવે પ્રોજેક્ટ્સનું શિલાન્યાસ માનનીય કેન્દ્રીય રેલવે મંત્રી શ્રી અશ્વિની વૈષ્ણવજીની વર્ચ્યુઅલ ઉપસ્થિતિમાં યોજાયેલ.

આ પ્રસંગે રાજ્ય કક્ષાના મંત્રીશ્રી ત્રીકમભાઈ છાંગા, સાંસદ શ્રી વિનોદભાઈ ચાવડા સહિત રેલ્વે વિભાગના બધા અધિકારીઓ ઉપસ્થિત રહ્યા હતા.

શિવલખા ખાતે યોજાયેલ આ શિલાન્યાસમાં સોલ્ટ કન્ટેનર ટ્રેન અને કાર્ગો ટર્મિનલના નિર્માણ માટેની યોજનાઓનું વિગતવાર પ્રસ્તુતિકરણ કરવામાં આવ્યું, જે કચ્છના વિકાસમાં મહત્વપૂર્ણ યોગદાન આપશે.

કેન્દ્રીય રેલવે મંત્રી શ્રી અશ્વિની વૈષ્ણવજીની વર્ચ્યુઅલ ઉપસ્થિતિમાં પ્રોજેક્ટ્સના ભવિષ્ય માટેની આશા અને પ્રતિબદ્ધતા વ્યક્ત કરવામાં આવી.

આ પ્રોજેક્ટ્સ કચ્છમાં લોજિસ્ટિક્સ અને વેપાર ક્ષેત્રને વધુ મજબૂત બનાવશે, જે સ્થાનિક અર્થતંત્રને પ્રોત્સાહન આપશે.