ધારાસભ્ય રીતેશ વસાવાની રજૂઆતથી કરજણ નહેરમાં પાણી છોડાયું, ઝઘડિયા, નેત્રંગ, વાલિયા ખેડૂતોને રાહત

ધારાસભ્ય રીતેશ કુમાર વસાવાની રજૂઆત બાદ કરજણ જળાશયમાંથી નહેરમાં તાત્કાલિક પાણી છોડવાનો નિર્ણય લેવામાં આવ્યો. આ પગલાંથી ઝઘડિયા, નેત્રંગ અને વાલિયા તાલુકાના ખેડૂતોમાં મોટી રાહત જોવા મળી.

ચોમાસું ખેંચાવાને કારણે ઝઘડિયા વિસ્તારમાં તુવેર, કપાસ, શેરડી અને જુવાર જેવા પાકો સુકાઈ રહ્યા હતા, અને પાણીની અછતને કારણે ખેડૂતોને મોટા આર્થિક નુકસાનની ચિંતા હતી. નહેરમાં સમયસર પાણી છોડવાથી આ પાકો ફરી જીવંત થઈ શકે છે અને પાકની ઉપજમાં સુધારો થશે.

ખેડુતો દ્વારા ધારાસભ્ય રીતેશ વસાવા અને રાજ્ય સરકારને આ મુશ્કેલી દૂર કરવા માટે આભાર વ્યક્ત કરવામાં આવ્યો. સમયસર પાણીની સપ્લાયથી ખેડૂતોને આર્થિક નુકસાનથી બચવાની આશા મળી છે અને પાકની સુરક્ષા માટે મહત્વપૂર્ણ પગલું ભરાયું છે.