ગણેશ ચતુર્થી પહેલા સાબરકાંઠા પોલીસએ નાસતા ફરતા ચોરને પકડ્યો..

ગણેશ ચતુર્થીની ઉજવણી પહેલાં, સાબરકાંઠા પોલીસએ જાદર અને ઇડર પોલીસ સ્ટેશનમાં નોંધાયેલા ચોરીના ગુનાઓમાં સામેલ નાસતા ફરતા આરોપીને પકડ્યો. આરોપીનું નામ ખુમારામ ઉર્ફે યોગી શંકરલાલ સાલવી છે, જે રાજસ્થાનના કોટડા, દેવગઢમાં રહે છે.

આ કાર્યવાહી નાયબ પોલીસ મહાનિરીક્ષક વિરેન્દ્રસિંહ યાદવ અને પોલીસ અધિક્ષક ડૉ. પાર્થરાજસિંહ ગોહિલના માર્ગદર્શન હેઠળ, પોલીસ ઇન્સ્પેકટર એ.એમ.વાળા, એસ.ઓ.જી. અને સબ ઇન્સ્પેક્ટર કે.યુ.ચૌધરી તથા પી.એમ.ઝાલા ની આગેવાનીમાં, હિંમતનગર બી.ડીવિઝન પોલીસ સ્ટેશન વિસ્તારમાં પેટ્રોલિંગ દરમિયાન કરવામાં આવી. આસિસ્ટન્ટ હેડ કોન્સ્ટેબલ પ્રકાશકુમાર પ્રભાભાઇ અને આસિસ્ટન્ટ પોલીસ કોન્સ્ટેબલ ગોપાલભાઇ પ્રવિણભાઇ અને અનિરૂધ્ધસિંહ ઇન્દ્રસિંહને મળેલી માહિતીના આધારે, આરોપીને ભારતીય નાગરિક સુરક્ષા સંહિતા-ર૦૨૩ ની કલમ-૩૫(૧)(જે) મુજબ અટક કરવામાં આવ્યો.

અરોપીને જાદર પોલીસ સ્ટેશન અને ઇડર પોલીસ સ્ટેશનના વિવિધ ગુનાઓ માટે, જેમ કે ચોરી, ઇલેક્ટ્રોસિટી એક્ટ કલમ-૧૩૬, અને ડેમેજ ટુ પબ્લીક પ્રોપર્ટી એક્ટ-૩(૨)(એ) હેઠળ, ગુનાની નોંધણી કરવામાં આવી છે. આરોપીને હિંમતનગર બી.ડીવિઝન પોલીસ સ્ટેશનમાં સુપરત કરવામાં આવ્યો છે અને આગળની કાર્યવાહી માટે તપાસ ચાલુ રહેશે.

આ કામગીરીમાં પોલીસ સબ ઇન્સ્પેક્ટર પી.એમ.ઝાલા, હેડ કોન્સ્ટેબલ વિક્રમસિંહ પરમાર, પોલીસ કોન્સ્ટેબલ ગોપાલભાઇ, આસિસ્ટન્ટ સબ ઇન્સ્પેક્ટર ધર્મેન્દ્રસિંહ, હેડ કોન્સ્ટેબલ વિક્રમસિંહ સોલંકી, પોલીસ કોન્સ્ટેબલ અતુલભાઇ, હેડ કોન્સ્ટેબલ રાજેશભાઇ, પ્રકાશકુમાર અને પોલીસ કોન્સ્ટેબલ અનિરૂધ્ધસિંહ સહિતના અધિકારીઓ અને કર્મચારીઓએ સહકાર આપ્યો.