ભાવનગરમાં વધુ એક શંકાસ્પદ મોત

ભાવનગરમાં ડુપ્લીકેટ દારૂકાંડ વચ્ચે વધુ એક વ્યક્તિનું મોત થતાં ચકચાર મચી છે. શહેરના વિદ્યાનગર વિસ્તારમાં આવેલી ગાંધી કોલોનીમાંથી હિતેશ પરમાર નામના વ્યક્તિની લાશ મળી આવી છે.

પ્રાથમિક માહિતી મુજબ, હિતેશ પરમારે પોતાના ઘરે ડુપ્લીકેટ દારૂનું સેવન કર્યું હોવાનું સામે આવ્યું છે. તેમના ઘરેથી રોયલ સ્ટેગની ડુપ્લીકેટ દારૂની બોટલ પણ મળી આવી હોવાનું જાણવા મળી રહ્યું છે.

મૃતક હિતેશ પરમાર સોનગઢની પ્રાથમિક શાળામાં શિક્ષક તરીકે નોકરી કરતા હોવાનું જાણવા મળ્યું છે.

ઘટનાની જાણ થતાં પોલીસ ટીમ સ્થળ પર પહોંચી હતી અને મૃતદેહને પોસ્ટમોર્ટમ માટે ખસેડી વધુ તપાસ હાથ ધરી છે. હિતેશ પરમારનું મોત ડુપ્લીકેટ દારૂના સેવનથી થયું છે કે અન્ય કોઈ કારણસર, તે પોસ્ટમોર્ટમ રિપોર્ટ બાદ સ્પષ્ટ થશે.