થાણાપીપળી PHCને મળ્યું નવું ફ્રિઝ, પ્રવીણભાઈ ચાવડાએ પૂર્ણ કર્યું વચન

થાણાપીપળી પ્રાથમિક આરોગ્ય કેન્દ્ર ખાતે યોજાયેલી જન આરોગ્ય સમિતિની બેઠક દરમિયાન, સમિતિના પ્રમુખ અને જુનાગઢ જિલ્લા પંચાયતના સભ્ય શ્રી પ્રવીણભાઈ ચાવડાએ આરોગ્ય કેન્દ્ર માટે ફ્રિઝ ઉપલબ્ધ કરાવવાનું વચન આપ્યું હતું.

આપેલા વચનને પૂર્ણ કરવાની દિશામાં, શ્રી પ્રવીણભાઈ ચાવડાએ આજે થાણાપીપળી પ્રાથમિક આરોગ્ય કેન્દ્રને એક નવું ફ્રિઝ અર્પણ કર્યું છે. આ ભેટ દ્વારા આરોગ્ય કેન્દ્રની એક મહત્વપૂર્ણ જરૂરિયાત પૂર્ણ થઈ છે.

નવા ફ્રિઝની ઉપલબ્ધતાથી આરોગ્ય કેન્દ્રની કામગીરીમાં એક ઉપયોગી સુવિધાનો ઉમેરો થયો છે, જે દર્દીઓની સારવાર અને દવાઓના યોગ્ય સંગ્રહમાં મદદરૂપ થશે. આ પ્રસંગે આરોગ્ય કેન્દ્રના તબીબ ડો. આશિષ સામળા સહિતનો આરોગ્ય સ્ટાફ ઉપસ્થિત રહ્યો હતો.