पहूर शेतकरी शिबिरात ७४ महिला शेतकऱ्यांना डिजिटल शेतकरी प्रमाणपत्रे

पुगांव रोहा तालुका, ग्रुप ग्रामपंचायत पहूर अंतर्गत पहूर गावात १३ ऑक्टोबर २०२६ रोजी अनुलोम मित्र दीक्षा उमासरे यांच्या पुढाकाराने महिला शेतकरी शिबिर आयोजित करण्यात आले.

शिबिराची तारीख सुरुवातीला १२ ऑक्टोबर रोजी निश्चित करण्यात आली होती, परंतु अचानक बदलून १३ ऑक्टोबर करण्यात आली, ज्यामुळे माहिती पोहोचविणे आव्हानात्मक ठरले. दीक्षा उमासरे यांनी घराघरांत जाऊन महिलांना शिबिराची माहिती दिली आणि आधारकार्ड घेऊन उपस्थित राहण्याचे आवाहन केले.

सकाळी ११ वाजल्यापासून सायंकाळी ६:३० वाजेपर्यंत चाललेल्या या शिबिरात रोहा तालुका कृषी विभागाच्या सहाय्यक तालुका कृषी अधिकारी तृप्ती सावंत यांनी आवश्यक प्रक्रिया पूर्ण करून ७४ महिला शेतकऱ्यांना डिजिटल शेतकरी प्रमाणपत्रे दिली.

या शिबिरामुळे महिलांना शासकीय योजनांचा लाभ घेण्यासाठी आवश्यक प्रमाणपत्रे मिळाली आणि अनुलोम मित्र दीक्षा उमासरे यांच्या परिश्रमांना विशेष कौतुक मिळाले. पहूरच्या महिला सरपंच दीपाली खांडेकर यांचे पती दिलीप खांडेकर यांनीही या कामात सहकार्य केले.