કિશોર કાનાણી સુરત વરાછા MLA દ્વારા આરોગ્ય મંત્રી પ્રફુલ પાનસેરીયાને નકલી દવાઓ અને ભ્રષ્ટાચાર અંગે પત્ર

સુરતના વરાછા વિધાનસભાના ધારાસભ્ય કિશોર કાનાણીએ રાજ્યના આરોગ્ય અને પરિવાર કલ્યાણ મંત્રી પ્રફુલ પાનસેરીયાને પત્ર લખીને સિસ્ટમની પોલ ખોલી છે. આ પત્રમાં નકલી ડોક્ટરો, બનાવટી દવાઓ, પ્રતિબંધિત એનાલોગ પનીર, નકલી ઘી, દૂધ અને મરી-મસાલાના બેફામ વેચાણ સહિતના તમામ સળગતા મુદ્દાઓ પર સીધું ધ્યાન દોરવામાં આવ્યું છે.

તેમણે આરોગ્ય વિભાગ અને હોસ્પિટલોમાં વ્યાપેલા ભ્રષ્ટાચાર, હોટલ-રેસ્ટોરન્ટની ગંદકી અને માત્ર દેખાવ ખાતર થતી કાર્યવાહી પર આકરા પ્રહાર કર્યા છે. તેમજ મંત્રી સમક્ષ સવાલ ઉઠાવ્યો છે કે આટલા પ્રયાસો પછી પણ નક્કર પરિણામ કેમ નથી મળતું.

પત્રમાં ઉલ્લેખિત મુદ્દાઓ આરોગ્ય ક્ષેત્રમાં પારદર્શિતા અને ગુણવત્તા માટેની ચિંતાઓને ઉજાગર કરે છે. કાનાણીનું કહેવું છે કે નિયમિત તપાસ અને કડક અમલથી જ દર્દીઓની સુરક્ષા સુનિશ્ચિત થઈ શકે છે.