🔥 ट्रेंडिंग दिल्ली में जर्जर इमारतों पर कड़ी कार्र... கம்யூனிஸ்ட் கட்சியின் கையெழுத்து இயக்க... उदयपुर में पंचायती राज मतगणना के लिए त... पांच महीने पहले जारी हुआ था नोटिस, फिर... शकरपुर मार्केट अध्यक्ष ने दिल्ली में स... ભરૂચના સ્ટેશન રોડ પર આંબેડકાર શોપિંગ સ...
17 नव. 2026•
ગુજરાતી मराठी ਪੰਜਾਬੀ বাংলা
स्थानीय

मुख्यमंत्री देवेंद्र फडणवीस यांच्या उपस्थितीत शिर्डी विमानतळावर पंचतारांकित हॉटेलसाठी MADC‑IHCL करार

✍️ रिपोर्टर: Suhas Tagare 🗓 17 नव. 2026, 07:11 PM 👁 22
शेयर करें: 💬 WhatsApp 📘 Facebook 𝕏 Post

महाराष्ट्र विमानतळ विकास कंपनी (MADC) व इंडियन हॉटेल्स कंपनी (IHCL) यांनी शिर्डी आंतरराष्ट्रीय विमानतळाच्या 3.7 एकर भूखंडावर पंचतारांकित हॉटेल उभारण्याचा सामंजस्य करार केला.

आज मंत्रालय, मुंबई येथे मुख्यमंत्री देवेंद्र फडणवीस यांच्या प्रमुख उपस्थितीत महाराष्ट्र विमानतळ विकास कंपनी लिमिटेड (MADC) व ताज ग्रुपच्या द इंडियन हॉटेल्स कंपनी लिमिटेड (IHCL) यांच्यात शिर्डी आंतरराष्ट्रीय विमानतळावर पंचतारांकित हॉटेल विकसित करण्यासाठी सामंजस्य करार (MoU) स्वाक्षरी करण्यात आला.

या करारानुसार शिर्डी विमानतळ परिसरातील 3.7 एकर भूखंडावर जागतिक दर्जाचे पंचतारांकित हॉटेल उभारले जाईल. हॉटेलच्या वास्तुशिल्प व अंतर्गत सजावटीत शिर्डीची स्थानिक कला व वैशिष्ट्यांचे प्रतिबिंब दिसेल, ज्यामुळे पर्यटक व भाविकांना दर्जेदार निवास व आतिथ्य सुविधा मिळेल.

हॉटेलच्या संचालन व पर्यटन क्षेत्रातील विस्तारामुळे स्थानिक रोजगारनिर्मितीला मोठी चालना मिळेल, तसेच शिर्डीला एक नवीन पर्यटन आकर्षण मिळेल. या प्रकल्पामुळे प्रदेशातील आर्थिक विकास व पायाभूत सुविधा सुधारण्याची अपेक्षा आहे.

करारसमारंभात मंत्री गणेश नाईक, राज्यमंत्री (अधि.) आशिष जयस्वाल, MADC व्यवस्थापकीय संचालक दीपक कपूर व IHCL ईव्हीपी सुमा वेंकटेश यांसह अनेक उच्चस्तरीय अधिकाऱ्यांची उपस्थिती होती.
📲Get App