ચીનના Long March-7A રોકેટમાં ઉડાન ભર્યા બાદ વિસ્ફોટ, મિશન નિષ્ફળ

ચીનના વેન્ચાંગ સ્પેસપોર્ટ પરથી લોન્ચ કરાયેલ Long March-7A રોકેટ તેના પ્રક્ષેપણના થોડી જ સેકન્ડોમાં નિષ્ફળ ગયું છે. રોકેટ પ્રથમ તબક્કાની ઉડાન દરમિયાન વિસ્ફોટનો ભોગ બન્યું હતું, જેના કારણે સમગ્ર મિશન નિષ્ફળ ગયું. આ ઘટનાના કારણે અવકાશ કાર્યક્રમમાં મોટો આંચકો લાગ્યો છે.

આ વિસ્ફોટની ઘટનાનો વીડિયો હાલમાં સોશિયલ મીડિયા પર ખૂબ જ ઝડપથી વાયરલ થઈ રહ્યો છે, જેમાં રોકેટ લોન્ચ થયા બાદ તરત જ આગની જ્વાળાઓમાં ઘેરાયેલું જોઈ શકાય છે. આ ઘટનાએ ચીનના અવકાશ કાર્યક્રમની સુરક્ષા અને વિશ્વસનીયતા પર પ્રશ્નાર્થ સર્જ્યા છે.

રોકેટમાં કઈ ચોક્કસ ખામી સર્જાઈ હતી અને મિશન નિષ્ફળ થવાનું ચોક્કસ કારણ શું હતું તે અંગે હાલમાં કોઈ સત્તાવાર માહિતી જાહેર કરવામાં આવી નથી. જોકે, આ ઘટનાની તપાસ શરૂ કરવામાં આવી હોવાનું માનવામાં આવે છે. આ નિષ્ફળતા ચીનના ભવિષ્યના અવકાશ મિશનો પર અસર કરી શકે છે.