કુતિયાણા ચેકપોસ્ટ પર LCBએ વિદેશી દારૂ ભરેલી કાર ઝડપી, ₹2.76 લાખનો મુદ્દામાલ કબજે

પોરબંદર જિલ્લા LCB (લોકલ ક્રાઇમ બ્રાન્ચ) ની ટીમે કુતિયાણા ચેકપોસ્ટ નજીક વાહન ચેકિંગ દરમિયાન એક ઇન્ડિકા કારમાંથી મોટી માત્રામાં વિદેશી દારૂનો જથ્થો ઝડપી પાડ્યો છે. આ કાર્યવાહી દરમિયાન પોલીસે કારમાંથી દારૂની બોટલો અને અન્ય મુદ્દામાલ કબજે કર્યો છે.

પોલીસે આશરે ₹2.76 લાખની કિંમતનો વિદેશી દારૂનો જથ્થો અને કાર કબજે કરી છે. પોલીસે દારૂની હેરાફેરી કરતા એક આરોપીને પણ ઝડપી પાડ્યો છે. LCB ની આ સફળ કાર્યવાહીને પગલે બુટલેગરોમાં ફફડાટ મચી જવા પામ્યો છે.

પ્રાથમિક પૂછપરછમાં આરોપીએ આ દારૂ ક્યાંથી લાવ્યો અને ક્યાં પહોંચાડવાનો હતો તે અંગેની માહિતી મેળવવા માટે પોલીસ દ્વારા વધુ તપાસ હાથ ધરવામાં આવી છે. આ મામલે કાયદેસરની કાર્યવાહી કરવામાં આવી રહી છે.