ઘરફોડ ચોરીના ગુનામાં અઢી વર્ષથી નાસતા ફરતા આરોપીને LCB ઝોન-8એ ઝડપી પાડયો

LCB ઝોન-8એ અમદાવાદ શહેરમાં લાંબા સમયથી નાસતા ફરતા આરોપીઓને ઝડપી પાડવા માટે ‘ઓપરેશન હન્ટ’ હેઠળ કાર્યવાહી કરી, અને અઢી વર્ષથી નાસતા ફરતા આરોપી અતુલસિંહ ઉર્ફે રેસુ (બૃજકિશોરસિંહ રાજપુત), 25 વર્ષ, ને ઝડપી પાડ્યો.

અરોપીને પેટ્રોલિંગ દરમિયાન મળેલી ખાનગી બાતમી અને હ્યુમન તેમજ ટેક્નિકલ સોર્સના આધારે ઓળખવામાં આવ્યો. તે રામોલની જલપરી સોસાયટીમાંથી છે.

ત્યારબાદ આરોપીને વધુ કાર્યવાહી માટે ઓઢવ પોલીસ સ્ટેશન સોંપવામાં આવ્યો. ઓઢવ પોલીસ સ્ટેશનમાં 2024માં IPC કલમ 380 હેઠળ ઘરફોડ ચોરીનો ગુનો નોંધાયેલો છે.

પોલીસના જણાવ્યા મુજબ આરોપીનો અગાઉનો ગુનાહિત ઇતિહાસ પણ નોંધાયેલો છે, જેમાં રામોલ, ખોખરા અને ઓઢવ પોલીસ સ્ટેશનના વિવિધ ગુનાઓનો સમાવેશ થાય છે.