GRD અને TRB જવાનોને દિવાળી બોનસ માટે હ્યુમન રાઈટ્સ ફેડરેશનની રજૂઆત..

હ્યુમન રાઈટ્સ ફેડરેશનના પ્રમુખ મહેન્દ્ર આયલાણી દ્વારા ગુજરાત રાજ્યના માનનીય રાજ્યપાલ, મુખ્ય સચિવ, અધિક મુખ્ય સચિવ-ગૃહ વિભાગ, પોલીસ મહાનિર્દેશક અને તમામ મહાનગરોના પોલીસ કમિશનરોને સત્તાવાર પત્ર મોકલવામાં આવ્યો.પત્રમાં જણાવાયું છે કે ગ્રામ રક્ષક દળ અને ટ્રાફિક બ્રિગેડના માનદ જવાનો કાળઝાળ ગરમી, ધોધમાર વરસાદ કે કડકડતી ઠંડીની પરવા કર્યા વગર ગામડાં અને મહાનગરોમાં કાયદો-વ્યવસ્થાની સુરક્ષા માટે સેવા આપે છે..

રાજ્ય સરકાર દ્વારા વર્ગ-૪ ના તમામ સરકારી કર્મચારીઓ અને બોર્ડ-નિગમના સ્ટાફને દિવાળી બોનસ આપવામાં આવે છે,પરંતુ GRD અને TRB જવાનોને આ લાભ મળતો નથી.હ્યુમન રાઈટ્સ ફેડરેશનએ તાકીદે હકારાત્મક નિર્ણય લેવા અપીલ કરી છે અને રાજ્યપાલ અને વહીવટી તંત્રને વિનંતી કરી છે કે આ જવાનોને દિવાળી બોનસ અને એક્સ-ગ્રેશિયા પ્રોત્સાહક સહાય સીધી તેમના બેંક ખાતામાં જમા કરવી જોઈએ.