GRD જવાનોની સમયસૂચકતાથી સાળંગપુરમાં મોટી દુર્ઘટના ટળી

સાળંગપુર હનુમાનજી દાદાના મંદિરે બસ સ્ટેન્ડ પાસે આજે દિવાળીના તહેવાર દરમિયાન ભક્તોના ભારે ટ્રાફિકમાં એક Maruti Suzuki Ignis માં વાયરિંગ શોર્ટ સર્કિટ થયો, જેના કારણે ગાડીમાંથી ધુમાડા નીકળવા લાગ્યા.

આ સ્થિતિમાં GRD જવાનો જયેશભાઈ ભરતભાઈ મકવાણા અને ગૌતમભાઈ પ્રભુભાઈ જાંજુરિયા, જેમને વાયરિંગનું થોડું જ્ઞાન હતું, તરત જ ગાડી પાસે દોડી ગયા, બોનેટ ખોલ્યું અને બેટરીના છેડા કાઢી નાખ્યા.

તેમની સમયસૂચકતાથી ગાડીમાં આગ લાગવાની સંભાવના અટકી, અને ભક્તની ગાડી બચી ગઈ. આસપાસ ઉભેલા ભક્તોએ રાહતનો શ્વાસ લીધો અને સ્થાનિક લોકોએ જવાનોની બહાદુરી અને ઝડપી હસ્તક્ષેપની પ્રશંસા કરી.