અમદાવાદના GMDC ગ્રાઉન્ડ ખાતે મુખ્યમંત્રીના હસ્તે ‘વાઇબ્રન્ટ નવરાત્રી મહોત્સવ 2026’નો શુભારંભ

જગતજનની મા આદ્યશક્તિના નવ સ્વરૂપોની આરાધનાના મહાપર્વ નવલા નોરતાનો આજથી ભક્તિભાવ અને ઉત્સાહપૂર્ણ માહોલમાં પ્રારંભ થઈ ચૂક્યો છે. આ પાવન અવસરે ગુજરાત પ્રવાસન નિગમ દ્વારા અમદાવાદના સુપ્રસિદ્ધ GMDC ગ્રાઉન્ડ ખાતે આયોજિત રાજ્યકક્ષાના ‘વાઇબ્રન્ટ નવરાત્રી મહોત્સવ 2026’નો રંગારંગ શુભારંભ થયો.

આ ભવ્ય નવરાત્રિ ફેસ્ટિવલનો પ્રારંભ રાજ્યના મુખ્યમંત્રી ભૂપેન્દ્ર પટેલે દીપ પ્રાગટ્ય કરીને કર્યો હતો. આ પ્રસંગે ઉપસ્થિત સૌએ મા આદ્યશક્તિની કૃપા અને આશીર્વાદ મેળવ્યા હતા.

‘વાઇબ્રન્ટ નવરાત્રી મહોત્સવ 2026’ રાજ્યભરમાં નવરાત્રીના ઉત્સાહને નવી ઊંચાઈઓ પર લઈ જશે તેવી અપેક્ષા છે. આ મહોત્સવ ગુજરાતની સાંસ્કૃતિક ધરોહર અને પરંપરાઓને ઉજાગર કરશે.