જામનગરમાં ટુ-વ્હીલરની નવી GJ-10-EN સીરીઝ માટે ૧૬ ઓક્ટોબરથી ઈ-ઓક્શન શરૂ

જામનગર જિલ્લાના ટુ-વ્હીલર વાહનમાલિકો માટે નવી GJ-10-EN નંબર સીરીઝમાં પસંદગીના નંબર મેળવવા ઈ-ઓક્શન યોજાશે. ઓનલાઈન અરજી તા. ૧૬થી ૨૦ ઓક્ટોબર, ૨૦૨૬ના બપોરે ૪ વાગ્યા સુધી કરી શકાશે, જ્યારે બિડિંગ તા. ૨૦થી ૨૨ ઓક્ટોબર બપોરે ૪ વાગ્યા સુધી ચાલશે. પરિણામ ૨૨ ઓક્ટોબરે જાહેર કરાશે. અરજદારોએ પરિવહન પોર્ટલ પર રજિસ્ટ્રેશન કરી યુઝર આઈડી અને પાસવર્ડ મેળવવાના રહેશે. પસંદગીના નંબર માટે બિડ રૂ.૧,૦૦૦ના ગુણાંકમાં વધારી શકાશે. પસંદગીનો નંબર મળ્યા બાદ બાકી રકમ પાંચ દિવસમાં ભરવાની રહેશે, અન્યથા ભરેલી ફી પરત મળશે નહીં. તમામ જરૂરી દસ્તાવેજોની ડીલર કક્ષાએ ખરાઈ કરાવી અપલોડ કરવા પ્રાદેશિક વાહન વ્યવહાર અધિકારી, જામનગર દ્વારા જણાવાયું છે.