મુખ્યમંત્રી અને DyCM અમદાવાદમાં ગરબા મહોત્સવમાં જોડાયા, મા જગદંબાની કરી મહાઆરતી

અમદાવાદના IPS મેસ ખાતે આયોજિત નવરાત્રી ગરબા મહોત્સવમાં ગુજરાતના મુખ્યમંત્રી શ્રી ભૂપેન્દ્ર પટેલ અને નાયબ મુખ્યમંત્રી શ્રી હર્ષ સંઘવી ઉપસ્થિત રહ્યા હતા. આ ગૌરવપૂર્ણ પ્રસંગે બંને મહાનુભાવોએ મા જગદંબાની ભક્તિભાવપૂર્વક મહાઆરતી કરી હતી અને માતાજીના આશીર્વાદ મેળવ્યા હતા.

આ પ્રસંગે નવરાત્રીની ઉજવણીમાં ભક્તિ, પરંપરા અને ગુજરાતની આગવી સંસ્કૃતિના રંગો જોવા મળ્યા હતા. મુખ્યમંત્રી અને નાયબ મુખ્યમંત્રીની ઉપસ્થિતિએ ગરબા મહોત્સવની શોભામાં વધારો કર્યો હતો.

આ કાર્યક્રમમાં ઉપસ્થિત રહીને બંને નેતાઓએ રાજ્યના નાગરિકો માટે સુખ-સમૃદ્ધિની કામના કરી હતી. નવરાત્રીના પવિત્ર પર્વ નિમિત્તે યોજાયેલા આ મહોત્સવમાં લોકોનો ઉત્સાહ અને ઉલ્લાસ જોવા જેવો હતો.